تاني يوم، استنيت الحمامة، وفضلت قاعدة في البلكونة من قبل ميعادها بنص ساعة. ولما وصلت، لقيت ورقة جديدة. فتحتها وأنا بحبس نفسي، ولقيت مكتوب أنا عارف إنك وصلتي للظرف البني. متواجهيهوش لوحدك. خلي ابنك يعرف الحقيقة بنفسه، لأن الأيام الجاية ممكن يحاول يقلبه عليكي.
قريت الرسالة، وبعدين بصيت للحمامة وهي بتطير بعيد. وقتها أخدت قراري. مش هخلي جوزي ينجح في خطته، ومش هسيب ابني يضيع مني. لما نور رجع من المدرسة، دخلت معاه أوضته وقفلت الباب. قلت له يا نور، عايزة أسألك سؤال، بس عايزاك تجاوبني بصراحة.
بابا اتكلم معاكقبل كده عن إنك تعيش معاه لوحدك؟ بصلي باستغراب وقال أيوه يا ماما، بس أنا مكنتش فاهم هو يقصد إيه. حسيت إن قلبي اتقبــ,,ـــــض. كمل كلامه من كام يوم، بابا قال لي إنك ممكن تسافري عند خالتك فترة، وإنك لو سافرتي أنا هفضل معاه في الشقة.
ولما سألته ليه، قال لي إنك محتاجة ترتاحي وإنه هيهتم بيا. عيني دمعت، وسألته وإنت قلت له إيه؟ رد من غير تردد قلت له أنا مش هسيبك يا ماما. أنا عايزك إنتِ وبابا مع بعض. حــ,,ـــــضنته وأنا بعيط، لكنه بعد عني ومسح دموعي بإيده الصغيرة وقال هو إنتِ هتسيبيني بجد؟
هنا مقدرتش أخبي عنه أكتر من كده. طلعت الورق اللي كنت صورت منه صور بالموبايل، ووريته له الجزء اللي فيه كلام أبوه عن الشقة وعن إنه عايزني أمشي. مكنتش عايزة أجرحه، لكن كان لازم يعرف إن اللي بيحصل مش مجرد خلاف بين أب وأم.
نور فضل ساكت فترة طويلة، وكل ما يقرا سطر وشه يتغير أكتر. وبعدين رفع عينيه ليا وقال يعني بابا عايزك تمشي عشان يتجوز واحدة تانية؟ هزيت راسي وأنا مش قادرة أتكلم. سألني بصوت مكسور وهو كان عايزني أفضل معاه عشان ياخد الشقة كمان؟
قلت له أنا مش عايزة أخليك تكره أبوك يا حبيبي، لكن مش هكدب عليك. أنا نفسي أفهم ليه عمل كده. نور قام من مكانه، وراح جاب شنطته، وطلع منها موبايل قديم كان باباه جايبهوله عشان يتواصل معاه لو احتاج حاجة.
قال لي يا ماما، أنا فاكر إن بابا مرة كان بيتكلم في التليفون، وأنا دخلت عليه فجأة. أول ما شافني قفل المكالمة، وقال لي إنه بيتكلم مع حد من الشغل. فتح الموبايل ووراني تسجيل صوتي كان عامله بالغلط، وفيه جزء من مكالمة بين أبوه وشخص تاني.
ضغط على التسجيل. وسمعنا صوت جوزي بيقول بوضوح أنا هخليها تمشي من نفسها. هي متعلقة بالولد، ودي نقطة ضعفها. أول ما تخاف عليه وتصدق إن وجودها معاه ممكن يضره، هتسيب الشقة وتجري. المهم نور يفضل معايا، وأنا مش هفرط فيه. وبعدين سمعنا صوت ست بتسأله وهي هتصدق الكلام ده إزاي؟
رد جوزي سيبي الموضوع عليا. أنا اللي هرتب كل حاجة. التسجيل انتهى، وأنا حطيت إيدي على قلبي. بصيت لنور، لقيته بيعيط في صمت. قال لي أنا كنت فاكر إن بابا بيحبك زي ما بيحبني. حــ,,ـــــضنته وقلت له هو أبوك يا نور، ومهما حصل مش هقدر أمنعك تحبه.
لكن اللي عمله غلط، ومش معنى إنه أبوك إنك لازم تقبل إنه يوجعنا. في اللحظة دي سمعنا صوت باب الشقة بيتفتح. جوزي دخل، وأول ما شافنا قاعدين مع بعض والموبايل في إيد نور، وقف مكانه. قال بعصبية إيه اللي بيحصل هنا؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.