هخليكي تختاريني بإرادتك نرمين ضحكت بسخرية إنت محتاج دكتور يا فارس بيه مش عروسة لأول مرة واحد من رجالة فارس كتم ضحكته بالعافية فارس بص له بطرف عينه فالراجل رجع وقف زي التمثال وبعدين رجع بص لنرمين وقال لسانك طويل أوي يا بنت السيوفي وأنت غرورك أطول من النيل كله قرب منها لحد ما بقت واقفة قدامه مباشرة وقال بصوت واطي خلي بالك من لسانك معايا يا نرمين رفعت عينيها في عينيه وقالت وإنت خلي بالك من قلبك يا فارس لأنك لو قربت مني يوم هتعرف يعني إيه تندم سكت فارس للحظات طويلة كان باصص لها بطريقة غريبة كأنها فكّرته بحد كان يعرفه من زمان وبعدين فجأة قال يا عبد الرحمن أنا هسيبك ترتاح الليلة دي لكن بكرة عايز إجابة واضحة عبد الرحمن رد بصوت مبحوح إجابتي لأ يا فارس فارس أخد نفس طويل وحط إيده في جيبه وقال يبقى هضطر أقولك الحقيقة اللي بنتك لسه متعرفهاش نرمين بصت لأبوها فلقته اتغير لونه وبدأ يترعش قالت بخوف حقيقة إيه يا بابا؟
عبد الرحمن ما ردش فارس كمل وهو باصص له الحقيقة اللي بسببها أبوكي كان مستعد يضحّي بأي حاجة عشان محدش يعرفها نرمين حست إن قلبها وقع في رجليها بصت لأبوها وقالت بابا رد عليا عبد الرحمن حط إيده على وشه وبدأ يعيط لأول مرة قدامها فارس لف ناحية الباب وقال قبل ما يخرج بكرة الصبح هبعتلك عربية يا نيمو صرخت فيه مش هركبها!
وقف عند الباب وبص لها بابتسامة باردة هنشوف يا عروسة الديب خرج فارس وساب وراه بيت مليان خوف وأسئلة نرمين جريت على أبوها وهزته إنت مخبي عني إيه؟ إيه اللي عملته عشان فارس ييجي يهددنا بالجواز؟
عبد الرحمن رفع عينيه لها وكانت مليانة دموع سامحيني يا بنتي نرمين رجعت خطوة لورا سامحك على إيه؟ أبوها فتح بقه عشان يتكلم لكن فجأة سمعوا صوت تكسير إزاز جاي من الشباك نرمين صرخت إيه ده؟!
جروا ناحية الشباك ولقوا حجر ملفوف بورقة واقع على الأرض نرمين رفعت الورقة وفتحتها بإيد بتترعش كان مكتوب فيها بخط كبير لو بنت السيوفي اتجوزت فارس الجبالي هتموت قبل ما تكمل أسبوع في بيته وتحت الكلام كان فيه اسم واحد بس المنشاوي عبد الرحمن أول ما شاف الاسم صرخ برعب يا نهار أسود!
نرمين بصت له بصدمة مين المنشاوي يا بابا؟ عبد الرحمن مسك كتفها بقوة وقال اسمعيني كويس يا نرمين لو فارس جه بكرة مهما قالك ومهما وعدك إوعي تروحي معاه نرمين بصت للورقة وبعدها لأبوها وقالت إنت خايف منه ولا خايف عليا منه؟
عبد الرحمن سكت والسكوت ده كان أقسى من أي إجابة أما في الناحية التانية من البلد كان فارس قاعد في مكتبه الكبير وبيسمع تقرير من واحد من رجاله الراجل قال يا فارس بيه المنشاوي عرف إنك ناوي تتجوز بنت السيوفي وبعت تهديد فارس رفع عينيه ببطء هو اللي بعت الورقة؟
أيوه يا بيه فارس قام من مكانه ولبس سلاحه في حزامه وقال ببرود بلّغ رجالتنا محدش يقرب من بيت السيوفي طول الليل الراجل استغرب وأمر الجواز يا بيه؟ فارس وقف قدام الشباك وبص للظلام وقال الجواز ده مبقاش موضوع جواز وبس دي بقت حرب وبعدين فتح درج مكتبه وطلع صورة قديمة لرجل واقف جنب أبوه وقدامهم طفل صغير قلب الصورة على ضهرها وكان مكتوب عليها عبد الرحمن السيوفي هو السبب فارس قبض على الصورة في إيده لحد ما اتنت وقال بصوت مبحوح لأول مرة سامحيني يا أمي أنا كنت فاكر إني هنتقم من الراجل ده بس مكنتش أعرف إن بنته هي اللي هتدفع التمن يتبع.
.. 🔥 يا ترى إيه السر اللي مخبيه عبد الرحمن السيوفي؟ وإيه حكاية أم فارس؟ وهل فارس عايز نرمين عشان ينتقم من أبوها ولا فيه سبب تاني؟ استنوا الفصل الثالث من غصب عنك هتبقي ليا يا نيمو بقلم نيمو محمد ❤️🔥
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.