بقلم نيمو محمد الجزء الأول "ارفع إيدك يا حضرة الظابط بدل ما أضطر أقب,ض عليك!" الصمت نزل على المكان كله العساكر بصوا لبعض وأمين الشرطة فتح بقه لدرجة إن اللبانة وقعت منه أما الظابط آدم الدمنهوري ففضل باصص للبنت اللي واقفة قدامه ماسكة مسدس بإيد وكيس كشري بالإيد التانية آدم بص للمسد,س وبعدين للكشري وبعدين لها وقال ببرود إنتي عارفة إنك محاصرة من عشرين عسكري البنت حشرت معلقة كشري في بقها وردت بمنتهى الهدوء آه وعارفة إنكم عشرين واحد ومفيش فيكم واحد فكر يجيب عيش بلدي مع الكشري أمين الشرطة حط إيده على وشه وقال يا نهار أسود يا فندم دي شكلها مش مجرمة دي شكلها مص،يبة سودا آدم قرب منها بخطوات ثابتة وعينه ما فارقتش عينيها اسمك إيه نرمين اسمك بالكامل نرمين عبدالسلام سنك كام وإنت مالك هتجوزني العساكر انفجروا في الضحك وآدم لف لهم ببطء فالضحك مات في زورهم في ثانية رجع بص لها وقال واضح إنك مش فاهمة إنتي واقفة قدام مين نرمين هزت راسها وهي بتاكل فاهمة طبعًا حضرتك الظابط آدم الدمنهوري اللي صورته مالية القسم واللي عامل فيها سي السيد على خلق الله آدم رفع حاجبه وإنتي بقى مين يا ست هانم ابتسمت ابتسامة مستفزة وقالت أنا اللي هخليك تقدم استقالتك نعم أصل شكلك طيب وأنا مش بحب أقطع عيش حد آدم خطف كيس الكشري من إيدها وحطه على المكتب خدوها على الحجز نرمين شهقت إنت بتعمل إيه يا بني آدم بني آدم أيوه والحمد لله لسه ما اتحولتش لحيوان بسببك طب رجعلي الكشري الأول يا أخويا ده أنا دافعة فيه فلوس آدم أشار للعسكري خد الكشري حطه في التلاجة لحد ما نخلص التحقيق نرمين بصت له بصدمة إنتوا كمان بتصادروا الأكل ده أنا طلعت مجرمة في دولة تانية خالص قبلها بثلاث ساعات كانت نرمين قاعدة في عربيتها القديمة اللي صوتها عامل زي جرار زراعي وبتكلم صاحبتها في التليفون يا بت أنا بقولك فيه حد مراقبني من الصبح صاحبتها ردت وهي بتاكل يمكن معجب معجب إيه يا بنتي ده راجل لابس كمامة ونضارة سودا وماشي ورايا من أول الشارع يمكن عنده برد يا شيخة اتنيلي هو البرد بيخليه يركب ورايا على موتوسيكل قفلت نرمين المكالمة وبصت في المراية لقت الموتوسيكل واقف وراها فعلًا دارت العربية بسرعة لكن العربية قررت تختار التوقيت ده بالذات عشان تعلن إضرابها عن العمل نرمين خبطت على الدركسيون والله العظيم لأبيعك خردة يا بنت الكلب نزلت من العربية وفتحت الكبوت وبدأت تبص جواه بثقة واحدة عمرها ما فهمت حاجة في الميكانيكا في اللحظة دي الموتوسيكل قرب منها والراجل اللي عليه رمى شنطة سودا جنب رجليها وانطلق بأقصى سرعة نرمين بصت للشنطة هو أنا ناقصاني صدقة من راكب موتوسيكل فتحتها ولقت جواها فلوس كتير ومسد,س وملف عليه صور وأسماء وقبل ما تستوعب اللي حصل سمعت صوت سرينة الشرطة عربيات حاصرتها من كل ناحية ونزل منها الظابط آدم الدمنهوري بنفسه محدش يتحرك نرمين رفعت إيديها فورًا حاضر يا فندم بس ممكن أعرف أنا عملت إيه آدم شاور على الشنطة الشنطة دي بتاعتك لأ والله دي نزلت من السما والفلوس دي رزق ربنا والمسدس نرمين بصت للمسد,س وقالت ده لو بتاعي كنت بعته وجبت عربية عدلة بدل الخردة اللي مركباها آدم ما ضحكش لكنه اضطر يعض على شفته عشان يخبي ابتسامة هر,بت منه غص,ب عنه خدوها ومن هنا بدأت أكبر غلطة في حياته المهنية لأنه كان فاكر إنه قبض على مج,رمة محترفة لكنه ما كانش يعرف إنه قبض على البنت الوحيدة اللي هتخليه يراجع كل معلومة اتعلمها في كلية الشرطة بعد نص ساعة نرمين كانت قاعدة في أوضة التحقيق ورجليها فوق الكرسي وبتبص للساعة كل شوية آدم دخل ومعاه ملف الق,وووووضية إنتي متهمة بالاشتراك في سرقة خمسة مليون جنيه من شركة النورس وحيازة س,لاح غير مرخص والتورط في اختفاء صاحب الشركة نرمين نزلت رجليها من على الكرسي مرة واحدة خمسة مليون آدم ابتسم بسخرية أخيرًا بدأتي تخافي لأ يا حضرة الظابط أنا بفكر لو كنت سرقت خمسة مليون فعلًا كنت هفضل راكبة التوكتوك اللي معايا ده ليه آدم قعد قصادها وفتح الملف الشهود شافوكي في مكان الج,ريمة وبصماتك موجودة على الشنطة وفي تسجيل كاميرا بيظهرك وإنتي خارجة من الشركة نرمين سكتت لأول مرة قربت من الملف وبصت للصورة كويس وبعدها رفعت عينيها له أنا عمري ما دخلت الشركة دي هتكذبي على النيابة كمان أنا بكدب عليك إنت بس إنما النيابة دي أنا لسه ما اتعرفتش عليها آدم خبط بإيده على المكتب نرمين هي اتنفضت وبعدها قالت بجدية مفاجئة بص يا حضرة الظابط أنا مش ملاك ولساني طويل وعندي استعداد أطلع عين أي حد يستفزني لكن عمري ما سرقت جنيه من حد والشنطة دي اترمت جنبي واللي رماها كان عايز يلبسني القض,ية آدم ثبت عينه عليها لأول مرة حس إن فيه حاجة مش راكبة البنت قدامه مستفزة بشكل يخليه عايز يحبسها شهرين من غير سبب لكن خوفها لما شافت صور الضح,,,,,,وووية ما كانش تمثيل قفل الملف وقال هنشوف نرمين مالت لقدام وهمست بس قبل ما تشوف ممكن تجيبلي الكشري آدم وقف وفتح الباب ونادى على أمين الشرطة يا عسكري العسكري جري أيوه يا فندم آدم أشار ناحية نرمين وقال بغيظ ووو هاتوا للمتهمة أي حاجة تاكلها قبل ما تعترف إنها سرق,ت القسم كله نرمين ابتسمت بانتصار والله كنت عارفة إن قلبك أبيض يا سيادة الظابط آدم خرج وهو بيتمتم يا رب صبرني عليها لكن أول ما خرج موبايله رن رقم مجهول رد بحذر فجاله صوت راجل بيهمس لو عايز تعيش اقفل ق,,,ووضية نرمين عبدالسلام وسلمها للي طلبها منك البنت دي لو اتكلمت ناس كتير هتقع آدم وقف مكانه إنت مين الخط اتقفل وفي نفس اللحظة صوت صرخة نرمين دوى من جوه أوضة التحقيق آدم جري ورجع فتح الباب بعنف لقى العسكري واقع على الأرض والملف مفتوح ونرمين واقفة قدام الشباك المفتوح وفي إيدها ورقة صغيرة بص لها وهو بيخرج سلاحه إنتي عملتي إيه نرمين بصت له وهي بتبلع ريقها وقالت والله ما عملت حاجة يا حضرة الظابط ده العسكري هو اللي وقع لوحده آدم قرب من العسكري واتأكد إنه بيتنفس وبعدها بص للشباك الدور التالت يا نرمين نرمين بصت من الشباك ورجعت بصت له أيوه عارفة الدور التالت يعني العسكري وقع من الدور التالت إزاي هي رفعت إيديها بسرعة يا نهار أبيض هو أنا لحقت أرميه أصلًا ده أنا بخاف من البلكونة في الدور الأول آدم خطف الورقة من إيدها وفتحها كانت مكتوب فيها بخط واضح ابعد عن القضية يا آدم وإلا هتكون نهايتك على إيد البنت اللي بتحاول تحميها آدم رفع عينيه لنرمين إنتي تعرفي مين اللي كتب الورقة دي نرمين هزت راسها بالنفي لأ بس أنا عارفة حاجة واحدة إيه إن الكشري بتاعي برد آدم بص للسقف وهو بيحاول يتحكم في أعصابه يا رب خدني وخدها معايا عشان أنا مش هقدر أكمل كده

الأكثر قراءة الان

مهران نوره عبد الرحمنمنذ شهرسليم وليلي ملك إبراهيممنذ شهردعاء احمدمنذ شهر