بقلم نيمو محمد الجزء الثالث آدم كان سايق العربية بسرعة ونرمين قاعدة جنبه بتبص له كل شوية وهو مركز في الطريق ووشه متكشر نرمين قالت وهي بتظبط حزام الأمان هو إنت دايمًا مكشر كده ولا أنا اللي عاملالك حساسية آدم رد من غير ما يبصلها اسكتي يا نرمين نرمين حطت

إيدها على قلبها وقالت بتمثيل يا لهوي على الحنية يا ناس ده أنا لو كنت قاعدة جنب فرخة كانت اهتمت بيا أكتر منك آدم بص لها بطرف عينه تحبي أنزلك هنا نرمين بصت من الشباك وقالت بسرعة لأ طبعًا إحنا في منطقة مقطوعة وممكن يطلعلي حرامي يخطفني آدم ابتسم بسخرية

حرامي يخطفك يعمل بيكي إيه نرمين رفعت دقنها وقالت بثقة يبيعني يا حبيبي أنا قطعة نادرة آدم ضحك غصب عنه وهي أول ما سمعت ضحكته ابتسمت بانتصار أهو كده يا سيادة الظابط اضحك الدنيا مش مستاهلة كل الكشرة دي آدم فجأة سكت وبص في المراية في عربية سودا وراهم من

الأكثر قراءة الان

مهران نوره عبد الرحمنمنذ شهرسليم وليلي ملك إبراهيممنذ شهردعاء احمدمنذ شهر

أول ما خرجوا من الشركة لف بالعربية في شارع جانبي والعربية السودا لفت وراهم آدم شد على الدركسيون وقال نرمين اربطي نفسك كويس نرمين بصت وراها وشهقت يا نهار أبويا أسود هو إحنا اتجوزنا عرفي ولا إيه كل شوية حد يجري ورانا آدم زود السرعة والعربية السودا قربت منهم نرمين

مسكت في الكرسي وصرخت يا آدم بالراحة أنا لسه ما كتبتش وصيتي آدم رد وهو بيحاول يبعد عنهم بطلي صريخ أبطل صريخ إزاي وإنت سايق كأنك داخل سباق فورمولا واحد العربية السودا حاولت تقفل عليهم الطريق وآدم لف فجأة ودخل شارع ضيق وبعد مطاردة طويلة قدر يوقف العربية قدام مخزن

قديم نزل بسرعة وفتح باب نرمين انزلي نرمين بصت له بخوف هنا ليه عشان نستخبى نرمين نزلت وهي بتبص للمكان يا سلام على الرومانسية مخزن ضلمة ومطاردة وعربية هتتفرتك ناقص بس تجيبلي وردة بلاستيك آدم مسك إيدها ودخل بيها المخزن وقفل الباب وراهم بعد لحظات سمعوا صوت العربيات وهي بتعدي

من الشارع آدم فضل ساكت ونرمين كانت واقفة قريبة منه جدًا رفعت عينيها لقت وشه قريب من وشها فاتلخبطت آدم لاحظ وسألها بهدوء خايفة نرمين رفعت دقنها بسرعة أنا؟

! ده أنا بخوف العفاريت آدم قرب خطوة وقال طب ليه إيدك بتترعش نرمين بصت لإيدها اللي كانت فعلًا بتترعش وسحبتها بسرعة عشان بردانة يا أخويا هو إنت فاتح علينا تكييف مركزي هنا آدم خلع الجاكيت بتاعه وحطه على كتفها خدي البسيه نرمين بصت له باستغراب إنت بتعمل إيه آدم رد وهو بيبعد عينه عنها مش عايزك تعيشي دور الضحية وتقولي الظابط سابني أموّت من البرد نرمين ابتسمت وهي بتشد الجاكيت عليها طب ما تقول إنك خايف عليا وخلاص آدم بص لها وقال بجدية أنا خايف على القضية نرمين هزت راسها آه طبعًا والقضية اسمها نرمين عبدالسلام قبل ما آدم يرد موبايله رن وكان مراد آدم رد بسرعة قول يا مراد وصلت لإيه مراد قال بصوت متوتر يا آدم المصيبة أكبر مما تتخيل اللواء سامح طلع عامل تحويلات مالية مشبوهة مع شركة النورس وفيه تسجيلات بتثبت إنه قابل صاحب الشركة قبل اختفائه بيوم آدم اتجمد مكانه إنت متأكد من الكلام ده متأكد بس فيه حاجة أخ,طر إيه هي اللواء سامح أصدر أمر بضبطك وإحضارك بتهم,ة ته,ريب أدلة والتواطؤ مع نرمين آدم قفل عينه للحظة وقال , كان متوقع مراد كمل يا آدم إنت بقيت مطلوب رسمي ولازم تختفي لحد ما نثبت براءتك نرمين كانت سامعة كل حاجة فرفعت إيدها وقالت معلش يا مراد هو ينفع أقدم استقالة من القضية دي مراد سمع صوتها وضحك رغم التوتر والله يا نرمين لو ينفع كنت قدمت استقالتي أنا كمان آدم قفل المكالمة وبص لها من دلوقتي لازم نتحرك بحذر ومحدش يعرف مكاننا نرمين رفعت حاجبها يعني هنهرب سوا آدم رد هنوصل للحقيقة سوا نرمين ابتسمت وقالت طب طالما إحنا هنعيش مع بعض الفترة دي أحب أعرف حاجة آدم اتنهد خير يا نرمين إنت متجوز آدم بص لها بصدمة إنتي بتسأليني السؤال ده دلوقتي أمال أسألك إمتى وإحنا بنتخانق مع العصابة آدم رد ببرود لأ مش متجوز نرمين ابتسامتها وسعت ولا مخطوب لأ ولا بتحب حد آدم سكت لحظة وبعدين بص في عينيها مش عارف نرمين قلبها دق بسرعة لكنها عملت نفسها مش مهتمة طب كويس أصل أنا كمان مش مرتبطة آدم ابتسم ابتسامة صغيرة مين قال إني سألتك نرمين شهقت يا قليل الذوق أنا اللي بفتحلك مجال للكلام الحلو وإنت مش مقدر آدم ضحك وقال تعالي يا ستي نمشي قبل ما أغير رأيي وأرجعك القسم خرجوا من المخزن من باب خلفي وركبوا عربية قديمة كانت ملك لعم آدم الله يرحمه وقرر يستخدمها عشان ما حدش يتعرف عليه بعد ساعة وصلوا لشقة صغيرة في منطقة هادية وكان آدم محتفظ بمفتاحها للطوارئ فتح الباب ودخل ونرمين دخلت وراه وهي بتبص حواليها هي دي شقتك لأ دي شقة عمي الله يرحمه نرمين بصت له بحزن الله يرحمه آدم سكت للحظة وبعدين قال كان أكتر واحد فاهمني في الدنيا نرمين لأول مرة ما لقتش رد هزار تقوله فقربت منه وقالت بهدوء أكيد كان فخور بيك آدم بص لها واتأثر بكلامها لكنه خبى ده بسرعة ادخلي ارتاحي وأنا هجهزلك أوضة نرمين بصت للكنبة وقالت أنا هنام هنا آدم استغرب ليه عشان لو فيه عفريت في الأوضة هتكون أول واحدة تشوفه آدم ضحك وهز راسه إنتي مستحيل تتغيري نرمين ابتسمت وقالت ولو اتغيرت هتحبني برضه آدم سكت وبصلها فترة أطول من اللازم نرمين نفسها اتلخبطت وقالت بسرعة بهزر يا عم الظباط لكن الحقيقة إن آدم بدأ يحس بحاجة عمره ما حسها قبل كده كل ما يبص في عينيها ينسى القضية للحظات وكل ما يسمع صوتها يحس إن الدنيا أخف وفجأة سمعوا صوت خبط شديد على الباب آدم أشار لنرمين تسكت وطلع سلاحه وقرب من الباب بحذر صوت راجل من بره قال شرطة افتح الباب فورًا نرمين بصت لآدم برعب وهمست يا نهار أبيض هما وصلوا لنا آدم همس لها ادخلي الأوضة بسرعة لكن قبل ما تتحرك سمعوا صوت راجل تاني بيقول افتح يا آدم إحنا عارفين إنك جوه آدم عرف الصوت فورًا كان اللواء سامح بنفسه نرمين بصت له وقالت هنعمل إيه دلوقتي آدم مسك إيدها وقال بصوت واطي هتثقي فيا نرمين بصت في عينيه وقالت رغم إنك رخم بس آه آدم فتح باب صغير خلفي كان بيؤدي لسلم قديم وقال لها اجري وأنا وراكي خرجوا من الباب الخلفي ونزلوا السلم بسرعة لكن في آخره لقوا اتنين من رجال اللواء مستنيينهم واحد منهم مسك إيد نرمين وقال خلصت اللعبة يا حلوة آدم ضرب إيده بعيد عنها ووقف قدام نرمين محدش هيلمسها الراجل ضحك إنت فاكر نفسك لسه ظابط يا آدم أنت مطلوب للعدالة آدم رد بثبات والعدالة هتعرف إنكم مجرمين وفجأة نرمين لمحت صندوق أدوات جنب الحيطة فمدت إيدها وخدت مطفأة حريق ورشتها في وش الراجلين صرخت وهي بتجري اجري يا آدم دي لحظة تاريخية أنا أنقذتك من غير ما أسرق حاجة آدم جري وراها وهو بيكح يا بنت المجنونة إنتي رشيتيني أنا كمان نرمين ردت وهي بتجري المهم إننا لسه عايشين يا حبيبي آدم سمع كلمة يا حبيبي لكنه ما لحقش يرد لأنهم خرجوا للشارع وركبوا عربية مراد اللي كان مستنيهم مراد بص لهم وقال إيه اللي حصل لكم إنتوا الاتنين شكلكم طالعين من حرب عالمية نرمين قعدت في الكرسي الخلفي وهي بتتنفس بسرعة اسكت يا مراد أنا اللي أنقذت الظابط بتاعك ده مرتين في أقل من ساعة مراد بص لآدم من المراية وابتسم بخبث مرتين بس؟