ملك كانت واقفة قدام الدكتور، قلبها بيدق بعـ,ـنف، ومش قادرة تستوعب إن أختها الصغيرة اللي لسه عندها عشر سنين ممكن تكون مخبية عنها سر بالحجم ده. ـ يا دكتور أرجوك قول لي سارة قالت إيه؟ ومين اللي كان بيهددها؟!

الدكتور بص لأحمد، وبعدها رجع بص لملك وقال: ـ أختك قالت إن فيه راجل كان بيقابلها عند المدرسة، وطلب منها ماتقولش لأي حد إنها شافته، ولما رفضت هددها إنها هتأذي حد من عيلتها. ملك حست إن رجليها مش شايلينها.

ـ يا نهار أسود! سارة مالهاش في الكلام ده! دي طفلة، مين اللي يعمل فيها كده؟! أحمد كان واقف ساكت، لكن عينيه اتغيرت أول ما الدكتور ذكر اسم الراجل اللي سارة وصفته. نفس الطول تقريبًا، نفس العلامة اللي في إيده، ونفس الساعة اللي بيلبسها. دي مواصفات شخص يعرفه من سنين!

الأكثر قراءة الان

مهران نوره عبد الرحمنمنذ شهرينسليم وليلي ملك إبراهيممنذ شهردعاء احمدمنذ شهرين

حسام الدمنهوري، شريكه وأقرب أصدقائه، والراجل اللي بيدير جزء كبير من شركاته. لكن أحمد رفض يصدق إن حسام ممكن يكون له علاقة بالموضوع. قرب من ملك وقال بهدوء: ـ اسمعيني كويس، أختك مش هتكون لوحدها، وأنا هساعدكم لحد ما نعرف الحقيقة. ملك بصت له بدموع وقالت: ـ ليه؟

إنتَ مالك بينا أصلًا؟ أنا مجرد موظفة عندك، وإنتَ عملت اللي عليك لما جبتني المستشفى. أحمد رد من غير ما يفكر: ـ مش كل حاجة لازم يكون وراها مصلحة يا ملك. ملك سكتت، ولأول مرة من ساعة ما قابلته، ما لقتش رد تقوله. بعد ساعات، الدكتور سمح لهم يشوفوا سارة.

دخلت ملك الأوضة وجريت على السرير، مسكت إيد أختها وباستها. ـ يا قلب أختك، خوفتيني عليكي ليه كده؟! سارة ابتسمت بتعب وقالت: ـ معلش يا ملك، أنا مكنتش عايزة أزعلك. ـ تزعّليني إيه بس يا حبيبتي؟ أنا ماليش غيرك إنتِ وماما.

سارة بصت ناحية الباب، ولما شافت أحمد واقف بعيد، قربت من ملك وهمست: ـ هو الراجل ده معاكي؟ ملك بصت لأحمد وردت: ـ أيوه، ده مديري في الشغل، ليه يا سارة؟ سارة شدت إيد أختها بخوف.

ـ الراجل اللي كان بيهددني قال إنه يعرف واحد اسمه أحمد الشناوي، وقال لي لو حكيت لحد هيخلّي أحمد الشناوي يطردك من شغلك! ملك اتجمدت مكانها. أحمد سمع الكلام، وقرب من السرير وقال بهدوء: ـ يا سارة، أنا أحمد الشناوي، ومحدش يقدر يأذي أختك طول ما إحنا بنعرف الحقيقة.

البنت بصت له بخوف، وبعدها قالت: ـ بس هو قال لي إنك صاحبه، وإنك لو عرفت أنا عملت إيه هتزعل مني! أحمد حس إن فيه حاجة كبيرة بتحصل من وراه، حاجة حد بيحاول يخفيها عنه مهما كان الثمن. طلع موبايله واتصل بحسام. ـ إنت فين يا حسام؟

جاله صوت حسام هادي كعادته: ـ في الشركة يا باشا، فيه حاجة؟ أحمد بص لملك وسارة قبل ما يرد: ـ عايزك تفضل مكانك، ومتتحركش من الشركة لحد ما أوصل. حسام ضحك ضحكة خفيفة. ـ خير يا أحمد؟ صوتك مش عاجبني.