لو اتجوزت عاصي مستحيل أعيش هنا. قالت خالتها مش لما تتجوزيه الأول. خدي بالك ما تبقيش باينة قدام عاصي إنك قرفانة من المكان. هو بيحب المكان ده جدا خدي بالك من تصرفاتك. بقالي سنة بخطط عشان ياخد باله منك وأنتي بتبوظي كل اللي بعمله.

قالت هبة خلاص هسكت هو مش شايفني من الأصل. ضحك صوت آخر ولا هيشوفك طول ما أنتي عاملة زي العروسة الحلاوة كده. التفتت هبة وقالت اتصدق إنك رخمة قوي مش شايفة لبسي وشكلي كل حاجة من أغلى الماركات.

رد الصوت على فكرة يا هبة عاصي بيحب البساطة وكل البهرجة دي مش بتفرق معاه. أنتي عاملة زي اللي خارجة من مولد النبي شبه العروسة الحلاوة ملونة من كل حتة بس بصراحة صرفه ومكلفة. انزعجت هبة وتصنعت البكاء بدلع وذهبت خالتها.

الأكثر قراءة الان

مهران نوره عبد الرحمنمنذ شهرينسليم وليلي ملك إبراهيممنذ شهردعاء احمدمنذ شهرين

قالت هبة شوفتي يا خالتوا رنا كل شوية تسمعني كلام يضايقني. هو أنا ذنبي إني أحلى منها وأنا بتحرك وهي ما بتخرجش من باب أوضته. ابتلعت رنا غصة في قلبها ورسمت ابتسامة وضحكت على سطحية بنت خالتها ثم ذهبت تفتح الباب بعد سماع صوت الجرس.

فتحت رنا الباب وابتسمت للضيف كانت روز. قالت بابتسامة تعالي يا روز اتفضلي. دخلت روز وهي تحاول إخفاء دموعها وشعورها بالغربة في البيت الذي تربت فيه كان قويا. دخلت وهي تجر قدمها وكأنها لم تعرف المكان من قبل.

استشفت رنا شعورها وقالت بابتسامة لتخفيف الحرج أنا حاسة إننا هنكون صحاب مقربين قوي. عاوزاك بكرة إن شاء الله تفرجيني على المزرعة دي كلها. ابتسمت روز وانحنت لتقبلها وقالت بحب طبعا يا آنسة رنا هنبقى أصدقاء وبكرة إن شاء الله أعدي عليكي ونقضي اليوم كله أفرجك على المزرعة.

قالت رنا بلهفة بتتكلمي جد يا روز فعلا هتخرجيني من سجــ,,ـــــني ده لمست روز يدها وقالت وعد مني طول ما أنا هنا محدش هيخرجك غيري وإن شاء الله أساعدك تقومي من على الكرسي المتحرك. لاحظت هبة قرب الحديث المطول بين رنا والضيف وقالت خير يا رنا مين اللي جه دخلت روز بخجل وما زال شعور الغربة يسيطر عليها.

ابتسمت ابتسامة هادئة ألقت التحية برأسها على الموجودين وجلست بخجل وعينها على الأرض. تفحصتها هبة بقرف ثم أشارت لخالتها التي بدورها أشار لها بعدم مبالاة. قالت هبة قاطعة الصمت أه مش أنت اللي أنا سألتك عن مكان الفيلا صح بس إنتي جايه قاعدة وسطينا ليه دخل عاصي وهو يضحك على كلام هبة وعلى مظهر روز الرجالي في ملابسها.

وقامت روز بغيظ جذبت الكاب من على رأسها وانسدل شعرها الأسود الطويل كالليل يصل إلى منتصف ظهرها مما جعل عاصي يقف جامد كتمثال. نظرت لها هبة بلا مبالاة وقالت آه آسفة بنت شكلك صعب ولبسك كمان. قالت روز بثقة أولا إحنا ما تعرفناش بس ما علينا.