نسخ الفصل الثالث العروسة اللي وقفت قدام الديب الساعة كانت لسه سبعة الصبح لما صوت فرامل عربية سودا دوّى قدام بيت السيوفي نرمين كانت واقفة في البلكونة من بدري ومغمضة عينيها من قلة النوم بعد اللي حصل امبارح أول ما شافت رجالة فارس نازلين من العربيات قبضت إيديها بعصبية وقالت لنفسها والله يا فارس الجبالي لأخليك تندم على اليوم اللي فكرت فيه إنك تقدر تكسر نرمين السيوفي خبط الباب أمها كانت متوفية من سنين وأبوها تعبان ومفيش في البيت غيرهم فاضطرت تنزل تفتح بنفسها كان واقف قدامها راجل كبير في السن لابس جلابية رمادي وقال باحترام صباح الخير يا بنتي أنا عم رجب سواق فارس بيه نرمين ردت ببرود صباح النور اتفضل قول لسيدك إن العروسة مش هتيجي عم رجب اتوتر وقال بس يا بنتي فارس بيه مستنيكي في الدار الكبيرة ضحكت بسخرية خليه يستنى لحد بكرة وبعده هو مش مستني حاجة غير إنه يتعلم الأدب وقبل ما تقفل الباب سمعت صوت عربية تانية وقفت والصوت اللي جه بعدها خلّى قلبها يدق غصب عنها افتحوا الباب فارس بنفسه كان واقف قدام البيت لابس جلابية بيضا وعليها صديري أسود وعصاية في إيده وعينيه فيها نظرة ما تعرفش هي غضب ولا حاجة تانية نرمين بصت له من فوق لتحت وقالت إيه يا فارس بيه؟

هو إنت فاضي لدرجة إنك بتلف على العرايس من الصبح؟ رد بمنتهى البرود لما العروسة تبقى إنتي أبقى أفضى لها طول اليوم اتكسفت من نفسها إنها حسّت قلبها دق أسرع لكنها تماسكت وقالت الكلام الحلو ده روح قوله لواحدة تانية يمكن تصدقك فارس قرب منها خطوة أنا مش بتاع كلام حلو يا نرمين وأنا لو عايز واحدة تصدقني مش هتعب نفسي في الكلام رفعت حاجبها وقالت أمال هتعمل إيه؟

هتطلع مسدسك وتخوفني؟ بص لها بجدية وقال أنا عمري ما خوفت ست ولا هعملها معاكي الجملة فاجأتها للحظة لكنها افتكرت كل اللي حصل ورجعت لقسوتها طب اتفضل بقى من غير مطرود فارس ابتسم وقال أنا جاي آخدك تزوري أمي نرمين استغربت أمك؟

الأكثر قراءة الان

مهران نوره عبد الرحمنمنذ شهرسليم وليلي ملك إبراهيممنذ شهردعاء احمدمنذ شهر

فارس سكت ثانية وبعدين قال أمي عايشة يا نرمين بس من يوم موت أبويا وهي مش بتخرج من أوضتها غير قليل وطلبت تشوفك نرمين عقدت حواجبها هي تعرفني منين؟ فارس بص لها نظرة طويلة وقال اسألي أبوكي وفي اللحظة دي خرج عبد الرحمن من الأوضة وهو متسند على الحيطة أول ما شاف فارس قال بحدة رغم تعبه بنتي مش رايحة معاك في أي حتة فارس لف له وقال أنا مش جاي أخطفها يا عبد الرحمن أنا جاي أطلب منها تيجي تزور أمي عبد الرحمن ضحك بمرارة إنت عايزها تدخل بيتك عشان تحاصرها من كل ناحية نرمين بصت لأبوها وبعدها لفارس أنا هاجي أبوها صرخ نرمين!

بصت له بحزم لازم أعرف الحقيقة يا بابا وإنت مش راضي تقولي حاجة وبعدين بصت لفارس وقالت بس اسمعني كويس أنا جاية بإرادتي عشان أشوف أمك وأعرف إيه اللي رابطك بأبويا مش عشان أنا وافقت على جوازك فارس هز راسه وقال موافق نرمين استغربت من سهولة موافقته لكنها ركبت العربية وهي مقررة إنها مش هتخاف منه مهما حصل طول الطريق فارس كان ساكت وهي بتبص من الشباك على الأراضي والبيوت اللي بتعدي لحد ما العربية دخلت من بوابة حديد ضخمة على قصر كبير وسط أرض واسعة نرمين نزلت وبصت للقصر بانبهار رغم إنها حاولت تخبي ده فارس لاحظ نظرتها وقال عجبك؟