ردت بسرعة بيت كبير وخلاص يعني مش أول مرة أشوف بيت ابتسم بطرف شفايفه وقال لسه هتشوفي حاجات كتير يا نيمو بصت له بحدة قولتلك بلاش الاسم ده رد وهو بيمشي قدامها حاضر يا نيمو يا سلام على الاستفزاز!
دخلوا القصر وكانت الخدم واقفة باحترام فارس أشار لإحدى السيدات وقال خدي الهانم لأوضة أمي وأنا جاي وراكم نرمين وقفت فجأة الهانم مين؟ أنا اسمي نرمين فارس لف لها وقال بهدوء في بيتي محدش هيقولك غير الهانم طول ما إنتي ضيفة أمي كانت عايزة ترد لكن سيدة كبيرة في السن ظهرت عند أول السلم كانت لابسة إسدال بيج ووشها فيه ملامح جمال قديم رغم التعب اللي باين عليه أول ما شافت نرمين عينيها دمعت وقالت بصوت مرتعش تعالي يا بنتي نرمين قربت منها بحذر حضرتك أم فارس؟
السيدة هزت راسها ومدت إيدها تمسك إيد نرمين أنا عواطف أم فارس وبعدين فضلت تبص لوشها كأنها بتدور على ملامح حد تاني نرمين سألتها باستغراب حضرتك تعرفيني؟ عواطف شهقت بخفة ودموعها نزلت يا حبيبتي إنتي شبهها أوي شبه مين؟
عواطف مسحت دموعها بسرعة وبصت ناحية السلم تتأكد إن فارس مش موجود وبعدين همست شبه أمك يا نرمين نرمين حست إن الدم اتجمد في عروقها أمي؟ حضرتك كنتي تعرفي أمي؟ عواطف مسكت إيديها الاتنين وقالت أمك كانت أطيب ست عرفتها في حياتي يا بنتي وكانت الوحيدة اللي قدرت توقف قدام أبو فارس من غير ما تخاف منه نرمين رجعت خطوة لورا أبو فارس؟
يعني بابا كان يعرفكم من زمان؟ عواطف غمضت عينيها بحزن أكتر مما تتخيلي وقبل ما نرمين تسأل سؤال تاني دخل فارس فجأة كان واقف عند الباب وسمع آخر جملة صوته خرج قاسي أمي عواطف اتخضت وسابت إيد نرمين فارس قرب منهم وقال مش اتفقنا إن الماضي يفضل مدفون؟
عواطف بصت له بدموع وقالت الماضي يا ابني مش هيفضل مدفون طول العمر فارس قبض إيده بعصبية قلتلك يا أمي مش عايز أسمع الكلام ده تاني نرمين وقفت بينهم وقالت لأ بقى أنا عايزة أسمعه فارس بص لها إنتي مالكيش دعوة ردت بعناد دي أمي اللي بتتكلم عنها وده أبويا اللي كل شوية بتجيب سيرته أنا ماليش دعوة إزاي؟
فارس قرب منها وقال بصوت واطي عشان الحقيقة دي لو عرفتيها هتكرهي أبوكي نرمين ردت من غير تردد ولو عرفتها هتخليني أكرهك إنت كمان؟ سكت لأول مرة نرمين تشوف فارس الجبالي واقف قدامها مش لاقي رد عواطف مسكت إيد نرمين وقالت اسمعيني يا بنتي أنا مش عايزاكي تتجوزي فارس عشان تنتقمي من حد ولا عشان تنقذي حد أنا عايزاكي تعرفي الحقيقة الأول فارس لف لها بغضب أمي كفاية!
عواطف وقفت قدامه رغم ضعفها وقالت لأ مش كفاية يا فارس! إنت فاكر إنك بتنتقم لأبوك لكنك مش عارف إن أبوك نفسه كان مخبي عنك أكبر كدبة في حياتك فارس اتجمد مكانه إنتي بتقولي إيه؟
عواطف بصت له ودموعها بتنزل أبوك ما ماتش بالطريقة اللي إنت فاكرها يا فارس الصمت نزل على القصر كله فارس قرب منها ببطء وعينيه بقت مرعبة إوعي تكملي لكن عواطف كملت وأبو نرمين مش هو السبب في موته فارس صرخ بس!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.