الراجل اللي ماسك نرمين طلع سلاحه لكن فارس سبقهم وضربه في إيده فوقع السلاح على الأرض رجالة فارس هجموا عليهم وبعد لحظات كان الاتنين واقعين تحت سيطرتهم فارس جري ناحية نرمين إنتي كويسة؟ حد لمسِك؟

نرمين بعدت عنه وهي بتترعش أنا كويسة مد إيده يساعدها لكنها رفضت فارس بص لها بوجع نرمين بالله عليكي اسمعيني ردت بحدة أسمع إيه تاني؟ كفاية أسرار وكفاية كدب وكفاية إن كل واحد فيكم فاكر إنه من حقه يقرر حياتي فارس نزل راسه وقال عندك حق الكلمة دي خلتها تسكت فارس الجبالي اللي عمره ما اعتذر لحد واقف قدامها وبيعترف إنه غلطان كمل وهو باصص في عينيها أنا عشت عمري كله فاكر إن القوة إني أخلي الناس تخاف مني وإن اللي عايزه آخده مهما كان تمنه لكن إنتي علمتيني إن الراجل ممكن يبقى قوي قدام الدنيا كلها ويخسر نفسه لو ظلم اللي بيحبهم نرمين دموعها نزلت رغم إنها حاولت تمنعها أنا مش عايزة منك كلام يا فارس أنا عايزة أشوف أفعال هز راسه هتشوفي في نفس الليلة فارس راح للمنشاوي ومعاه تسجيلات ووثائق تثبت إنه هو اللي دبّر قتل أبوه وحاول يلفق التهمة لعبد الرحمن المنشاوي ضحك لما شافه داخل أهلا بالديب الكبير جاي تهددني؟

فارس حط الملف قدامه وقال جاي أديك فرصة أخيرة تسلم نفسك المنشاوي ضحك بسخرية إنت فاكر نفسك هتقدر تعمل فيا حاجة؟ أنا اللي علمتك إزاي تخاف الناس منك فارس قرب منه وقال وأنا غلطت لما صدقتك المنشاوي مد إيده ناحية سلاحه لكن رجالة فارس كانوا أسرع منه وفي خلال ساعات اتسلمت الأدلة للشرطة واتقبض على المنشاوي وشركائه ولما الحقيقة ظهرت قدام البلد كلها رجع اسم عبد الرحمن السيوفي نضيف بعد سنين من الظلم أما فارس فرجع بيته ووقف قدام صورة أبوه قال بصوت مبحوح حقك رجع يا أبوي بس أنا ضيعت سنين من عمري في كره راجل بريء وكنت هضيع البنت اللي قلبي اختارها بإيدي عدت أسابيع فارس ما حاولش يتصل بنرمين ولا راح بيتها كان كل يوم يطمن على عبد الرحمن من بعيد ويبعث له علاجه من غير ما يعرف حد ولما عبد الرحمن عرف إنه هو اللي بيساعده رفض في الأول لكنه مع الوقت فهم إن فارس بيحاول يصلح اللي قدر عليه من غلطه وفي يوم الجمعة فارس راح بيت السيوفي مش معاه حراسة ولا موكب عربيات راح لوحده لابس جلابية بسيطة وماسك في إيده علبة صغيرة عبد الرحمن فتح له الباب وبص له باستغراب خير يا فارس؟

الأكثر قراءة الان

مهران نوره عبد الرحمنمنذ شهرينسليم وليلي ملك إبراهيممنذ شهردعاء احمدمنذ شهرين

فارس نزل راسه باحترام وقال جاي أطلب منك السماح يا عم عبد الرحمن عبد الرحمن سكت فارس كمل أنا ظلمتك واتهمتك في حاجة معملتهاش وكنت مستعد أخرب حياتك عشان انتقم منك وأنا مش جاي أطلب منك تنسى اللي حصل أنا جاي أقولك إنك لو مش هتسامحني أنا هفضل شايل ذنبي طول عمري عبد الرحمن تنهد وقال التسامح مش كلمة يا فارس لكن اللي عملته بعد ما عرفت الحقيقة يحسبلك فارس هز راسه أنا مش جاي عشان نفسي يا عم عبد الرحمن أنا جاي عشان نرمين عبد الرحمن بص له بتركيز وبنتي مالها؟

فارس رفع عينيه وقال بصراحة أنا بحبها عبد الرحمن سكت لحظات وبعدين قال بتحبها لدرجة إنك تسيبها تختار؟ فارس رد من غير تردد أيوه ولو اختارت تبعد عني مش هقرب منها تاني ولو اختارت واحد غيري هتمنالها السعادة حتى لو قلبي اتكسر عبد الرحمن بص له طويلًا وبعدها فتح الباب على آخره ادخل يا فارس نرمين كانت واقفة في الصالة وسمعت الكلام كله أول ما فارس دخل عينيه وقعت عليها كانت لابسة فستان بسيط وطرحتها على كتفها وملامحها هادية لكن عينيها لسه شايلة وجع الأيام اللي فاتت فارس وقف بعيد عنها وقال إزيك يا نرمين؟