نسخ أحمد دياب ونرمين ❤️🔥بقلم نيمو محمد الجزء الثاني أحمد دياب كان فاكر إن نرمين مجرد بنت بتسلّيه وبتضحكه، وإنه يقدر في أي وقت يقفل الموبايل وينساها، بس اللي حصل في الأيام اللي بعدها خلاه يشك إن البنت دي عملت له عمل!
بقى يصحى الصبح يدور على رسالتها، ولو ملقاش حاجة يفضل يفتح المحادثة كل شوية، ولما تسأله نرمين عن يومه يرد بكل برود كأنه مش مستني سؤالها من الصبح!وفي يوم نرمين قررت تعاقبه على بروده بطريقتها. بعتت له رسالة وقالت:ـ أحمد، أنا عندي خبر مهم لازم تعرفه.
أحمد رد في ثواني:ـ خير يا بت؟ في إيه؟!نرمين:ـ أنا قررت أبطل أكلمك. أحمد اعتدل في قعدته وكتب بسرعة:ـ نعم؟! ليه إن شاء الله؟!نرمين ضحكت وهي بتكتب:ـ عادي، زهقت منك ومن دمك التقيل. أحمد اتنرفز:ـ دم تقيل مين يا بت؟
! ده أنتِ لو قعدتي يوم من غير ما تسمعي صوتي هتعيطي!نرمين:ـ يا سلام! هو أنت فاكر نفسك مين؟!أحمد:ـ أنا أحمد دياب يا حلوة، يعني لما أتكلم تسمعي الكلام! نرمين ردت عليه:ـ أحمد دياب على نفسه يا حبيبي، أنا مش من عيلتك عشان أخاف منك!
أحمد فضل باصص للرسالة، وبعدها ابتسم وقال:ـ ماشي يا نرمين، أنا هوريكي مين أحمد دياب. قفل الموبايل وحلف إنه مش هيبعت لها تاني، لكن بعد نص ساعة فتح المحادثة، وبعد ساعة بعت لها علامة استفهام، وبعدها كتب: ـ هو أنتِ نمتي ولا بتستعبطي؟
!نرمين كانت مستنياه، وأول ما شافت رسالته انفجر’’’’’’ةةت من الضحك، وردت:ـ أهو أنت اللي رجعت يا سي أحمد، مش أنا اللي جريت وراك!أحمد ابتسم غصب عنه، لكنه لأول مرة اعترف لنفسه إنه بقى متعلق بكلامها، حتى لو مش قادر يقولها. وبعد يومين، أحمد قرر ينفذ اتفاقهم ويتقابلوا لأول مرة.
بعت لها:ـ بكرة الساعة خمسة، في الكافيه اللي جنب النيل، وهستناكي هناك. نرمين ردت:ـ وأنت عرفت منين إني موافقة أقابلك أصلًا؟!أحمد:ـ عشان عارف إن فضولك هيجيبك!نرمين:ـ غرورك ده محتاج يتعالج يا أحمد!أحمد:ـ تعالي بس، وأنا هخليكي تنسي اسمك!
نرمين:ـ ماشي يا أبو جلابية، بس لو طلعت أقصر من الصور هضحك عليك العمر كله!أحمد بعت لها:ـ أنا قصير؟! يا بت ده أنا لو وقفت جنبك هتختفي!وفي اليوم التاني، أحمد وصل قبل المعاد بنص ساعة، وقعد مستني وهو عامل نفسه هادي، مع إنه كان بيبص على الساعة كل دقيقتين.
ولما شاف بنت داخلة من باب الكافيه، لابسة لبس بسيط وملامحها كلها شقاوة، عرف إنها نرمين من أول نظرة. نرمين قربت منه، وبصت له من فوق لتحت، وبعدها قالت ببراءة مصطنعة:ـ إيه ده؟! هو أنت أحمد فعلًا؟!أحمد عقد حواجبه:ـ أيوه، مالك؟!
نرمين قعدت قدامه وقالت:ـ أصل كنت متخيلاك أشرس من كده، ده أنت شكلك محترم أوي!أحمد بص لها بصدمة:ـ محترم؟! هو أنا جاي أقابل عمدة القرية ولا إيه؟!نرمين ضحكت:ـ لا والله، بس كنت مستنية أشوف التنين اللي بيهددني كل يوم!
أحمد حاول يكتم ضحكته وقال:ـ بصي يا نرمين، أنا لحد دلوقتي مش عارف إزاي مستحملك!نرمين سندت دقنها على إيدها وقالت:ـ عشان بتحبني يا أحمد!الكلمة نزلت عليه زي المفاجأة، وسكت للحظة، ونرمين نفسها اتفاجئت إنها قالتها بالجرأة دي.
لكن قبل ما أحمد يرد، دخل راجل كبير الكافيه، وأول ما عينه وقعت على نرمين، وشه اتغير تمامًا. قرب منهم وقال بصوت غاضب:ـ نرمين؟! أنتِ بتعملي إيه هنا؟!نرمين قامت بسرعة، ووشها اتقلب، وقالت:ـ عمي؟!أحمد وقف وبص للراجل باستغراب:ـ خير يا حاج؟ في حاجة؟!
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.