ـ الموبايل بتاعي محدش يقرب منه في البيت ده تاني! ملك بصت لأحمد وهمست: ـ خلاص يا حبيبي، هنشتريله موبايل ضد الغرق! أحمد حط إيده على وشه. ـ يا رب، هو أنا اتجوزت ست ولا شركة كوارث طبيعية؟!

— بعد ما الحاج محمود مشي، أحمد دخل الصالة ولقى ملك قاعدة بتتفرج على التلفزيون، وبتاكل شوكولاتة. قعد جنبها وقال: ـ ملك، عايز أقولك حاجة. ـ قول يا حبيبي، بس لو هتطلب مني أغسل المواعين، أنا عندي اجتماع مهم مع الشوكولاتة. أحمد مسك إيدها.

ـ أنا بحبك. ملك سكتت. أحمد كمل وهو بيبتسم: ـ بحب جنانك، وضحكتك، وطريقتك اللي بتخليني أنسى أي تعب، وبحب إنك خليتي البيت بيت بجد. أنا مش عايزك تتغيري أبدًا. ملك بصتله بعينين مليانين فرحة. ـ يا أحمد… ـ نعم يا قلب أحمد؟

الأكثر قراءة الان

مهران نوره عبد الرحمنمنذ شهرينسليم وليلي ملك إبراهيممنذ شهردعاء احمدمنذ شهرين

ـ ممكن أطلب منك طلب صغير؟ ـ عيوني. ـ تجيبلي آيس كريم؟ أحمد ساب إيدها وقام وقف. ـ يا بنت المجنونة! أنا بقولك كلام من القلب، وإنتِ عايزة آيس كريم؟! ملك قامت وراه وهي بتضحك. ـ ما هو القلب ده محتاج حاجة ساقعة يا حبيبي!

أحمد جري ناحية الباب. ـ أنا نازل ومش راجع غير لما تتعلمي الرومانسية! ملك صرخت وراه: ـ طب هات معاك بيتزا يا أحمد! أحمد وقف عند الباب، بص لها، وبعدها رجع باس راسها بسرعة. ـ حاضر يا مصيبتي الحلوة! ملك ابتسمت. ـ بحبك يا أبو البطات! أحمد بص لها بصدمة.

ـ أبو مين؟! ملك أشارت لبيجامته اللي كانت لابساها من غير ما ياخد باله إنها نفس البيجامة اللي اشترتها له من يومين. أحمد بص لنفسه، ولقى إنه لابس بيجامة عليها بطات صفراء! ـ ملك! إنتِ لبستيني بيجامتك؟! ملك انفجرت من الضحك.

ـ لأ يا حبيبي، دي بيجامتك إنت، بس واضح إن الحب بدأ يأثر على ذوقك! أحمد جري وراها في الشقة، وهي بتضحك وبتصرخ: ـ يا ناس الحقوني! جوزي بقى بطّة شرــ,,ـــــسة! ومن يومها، بقى أحمد الشناوي، رجل الأعمال المعروف بجدّيته وهيبته، أشهر راجل في العيلة بيلبس بيجامات البطات، وبيعمل سندوتشات، وبيشتري آيس كريم كل يوم.

أما ملك، ففضلت تقلب حياته فوق تحت، لكنه عمره ما ندم إنه اتجوزها. لأنه اكتشف إن الحب مش لازم يكون كلام كبير وورد وشموع… أحيانًا الحب بيكون ضحكة من القلب، وخناقة على الريمــ,,ـــــوت، وسندوتش جبنة رومي، وواحدة مجنونة تخليك تحب الحياة من جديد.

وفي آخر ليلة، أحمد حــ,,ـــــضن المخدة وقال: ـ يا رب ارزقني الصبر على مراتي. ملك ردت من أوضة النوم: ـ آمين يا رب، وارزقني أنا كمان جوز تاني يساعدني في شغل البيت! أحمد قام من مكانه وصرخ: ـ جوز تاني إيه يا بت؟

! ملك ردت بكل براءة: ـ بهزر يا حبيبي، إنت لوحدك عامل شغل تلات رجالة! 😂😂 تمت بحمد الله ❤️😂 النهاية مع ملك المجنونة وأحمد المسكــ,,ـــــين! ✍️ بقلم نيمو محمد ❤️🔥