باسم شركة جديدة. شركة أنا ما أعرفهاش. رفعت عيني لسلوى. مين الشركة دي؟ قالت دي كانت شركة وسيطة. وسيطة لإيه؟ اترددت. وبعدين قالت حسب المستندات اللي عندنا، كانت هتدخل في صفقة بيع جزء كبير من أصول شركة زوج حضرتك.

سألتها يعني إيه؟ قالت بهدوء يعني لو التعديل ده تم، حضرتك كنتِ هتتنازلي عن حصتك من غير ما تاخدي مقابل واضح وفي نفس الوقت كان هيبقى من السهل جدًا نقل أصول معينة بعيد عن الشركة الأصلية. فضلت ساكتة. كل حاجة بدأت تركب في دماغي. سألتها طب ليه ما تمش؟

قالت لأننا رفضنا نكمل من غير توقيعك. ضحكت ضحكة صغيرة، لكن ما كانش فيها أي فرحة. يعني الست اللي كان شايف إني ما عملتش حاجة في حياتي كان من ست سنين بيحاول ياخد الحاجة اللي أنا أصلًا ساعدت في بنائها؟ سلوى ما ردتش.

الأكثر قراءة الان

مهران نوره عبد الرحمنمنذ شهرينسليم وليلي ملك إبراهيممنذ شهردعاء احمدمنذ شهرين

أنا قفلت الملف. لكن قبل ما أقوم، قالت فيه حاجة تانية لازم حضرتك تعرفيها. رجعت قعدت. قالت إحنا لقينا مستندات مرتبطة بالموضوع ده، وكانت محتاجة مراجعة محاسب قانوني. مستندات إيه؟ فتحت درج مكتبها وطلعت مجموعة أوراق. دي تحويلات مالية.

بصيت للأرقام. مبالغ كبيرة جدًا. تحويلات خرجت من شركة حسام لشركة تانية. وبعدين لشركة تالتة. وبعدين رجعت جزء منها للشركة الأولى تحت بند مختلف. بصيت لها. يعني بيحوّل فلوس الشركة لنفسه؟ قالت أنا مش محاسبة، ومينفعش أتهمه. لكن المستندات محتاجة تحقيق. سكتُّ. وبعدين سألت وليه أنا؟

قالت لأنك شريكة بنسبة 35. الكلمة دي كانت غريبة على ودني. شريكة. أنا اللي قضيت 32 سنة فاكرة نفسي مرات حسام وبس. طلعت من المكتب وأنا ماسكة نسخة من المستندات. وقبل ما أركب العربية، اتصلت برقم قديم كان موجود في ورق الشركة. محاسب قانوني. قلت له محتاجة أعرف الحقيقة كاملة.

قال الحقيقة الكاملة مش هتكون مريحة. قلت أنا قضيت 32 سنة بربي 11 طفل. وبصراحة بعد كل ده، مش مستعدة أخاف من حاجة. رجعت البيت قبل حسام. خبيت الورق في مكان آمن. ولما دخل بعد ساعة، كان مبتسم. إيه يا نادية؟

مختفية من الصبح ليه؟ بصيت له. كنت بخلص مشوار. مشوار إيه؟ مشوار يخصني. رفع حاجبه. واضح إن الرد ما عجبوش. لكن ما سألش. دخل يغير هدومه. وبعدها نزلنا ناكل. طول العشا كان بيتكلم عن أصحابه. عن الشركة. عن صفقة جديدة. عن سفرية محتملة لدبي. وأنا كنت ببص له وبس.

لأول مرة أشوف الراجل اللي عشت معاه 32 سنة بشكل مختلف. ما شفتش الزوج اللي كنت فاكرة إني أعرفه. شفت رجلًا كان بيحاول يدفــ,,ـــــن جزء من حياته تحت قصة واحدة أنا بنيت كل حاجة لوحدي. بعد يومين، المحاسب القانوني قابلني. اسمه أستاذ عادل. حط قدامه المستندات.

قعد يراجعها ساعة تقريبًا. وبعدين قال عندي خبر كويس وخبر وحش. قلت ابدأ بالوحش. قال فيه تحويلات مالية مش طبيعية. والخبر الكويس؟ ابتسم. إن توقيع حضرتك مش موجود عليها. قلت وإيه أهمية ده؟ قال أهمية كبيرة جدًا.